لله وبركاته
كيفكم يا أغلى وأحلى فراشات
طبعا ومثل ما وعدتكم أنزل موضوع كامل عن ملكتي وحفل تخرجي أنا وخطيبي
قبل أي شي أمانه اذكروا الله
لأني مو ناقصه يصير شي بيني وبين خطيبي
الحمد لله الملكة وبشهادة الجميع طلعت فووووووق الخيال
نبدأ من أول شي القاعة
طبعا اللي في جدة بدون تفكير تحجز قاعة "رومانس"
وربي هالقاعة خيال ولا حتى في الأحلام
قاعة رومانس 026782127
القاعة شامل الكوشة – العشاء 150شخص – دفتر أو مسكة – المصورة – تصميم الزفة مع الكاسيت – ثلاث صحون عالطاولات من المهاوي حلى وشكولاته ومعجنات
حجزت القاعة واخترت العشاء من مأدبتي
والمصورة مليكة وحجزت عندها تصوير ديجتال وكان بزيادة 1200 وشامل ألبوم الديجتال مع نوته ديجتال كمان ومطويه ومجله وساعة حائط فيها صورتي وصورة على خشب
وهذا رقم المصورة مليكة 0553344183
أنا فستاني كان لونه سكري وأحمر وذهبي
واخترت تحط لي عالطاولات زي الشماسية لونها ذهبي وأحمر
وكمان الكوشة كانت نفس التصميم والكل انهبل عليها
وأنا اخترت دفتر بس لما رحت المحل عشان أختار لقيت الدفتر مو مره حلو واخترت حاجة زي الشجرة وزودت من عندي 150 ريال
شكلها كاسة كبيرة فيها موية حمراء ونازل منها كرستالات واضاءة روعه وطالع منها أغصان وفيها بطاقات حمراء ومعاها قلم خشب
اسم المحل أرض الذكريات وهذا رقمه 0558232344
مدخل القاعة هذا أنا صممته وتعبت عليه
أنا حطيت طاولتين مو طاولة وحدة
الأولى عليها نافورة الشكولاتة وكاسة حمراء طويلة داخلها عيدان خشب بنهايتها فراولة
و2صحون مضيئة فيها خدود البنات
والطاولة الثانية عليها الدفتر اللي على شكل شجرة
وشجرة توزيعات لونها ذهبي وحطيت فيها عصافير حمراء وبطاقات مطوية بعضها أحمر وبعضها ذهبي وكتبت فيها عبارات حلوة واسمي واسم خطيبي وفراشات حمراء وطاقيات تخرج صغيرة ولفيت عليها عقد القلوب المخملية وطلع شكلها رووووووووعه
وصورتي على خشب مو باين إلا وجهي ورقبتي وكنت لابسه طاقية بيضاء وعلى صدري ريش أبيض وبرقبتي تعليقه ألماس جابها لي خطيبي في العقد مكتوب فيها اسمه
وصورة ثانية على قزاز فيها صورتي أنا وخطيبي بلبس التخرج
ورميت عالطاولة ورد مجفف أحمر وذهبي
وطبعا حجزت المطربة هجير
هذي مو بس مطربة فوق الخيال إلا تجنن وربي
واللي راح تحجزها عمرها ماحتندم باذن الله
هجير 0504369223
نجي هالحين للضيافة
طبعا القاعة يقدمون من عندهم عصير فريش على أغنية العنب وبزفة حلوة من العاملات
وأنا جبت من محلات الصالحية 2ديكورات فخمة فيها تمر و2 سلات فيها معمول وحاجات ثانية كمان من الصالحية وزفوها على أغنية يللا صبوا هالقهوة ومعاهم سيوف وحركات رووووووووعه
وبعدها طلعوا هدايا تخرج على أغنية نجحنا والله وفقنا
كانت كل هدية عبارة عن تحفة أو برواز أو شمعة أو شمعدان طبعا مشكلة بس على شكل تخرج يعني فيها طاقية التخرج أو غيرها وحطيت معاها حلاوة وبطاقة الرقية بالقرآن وغلفتها بتل ذهبي وحطيت شريطة حمراء ولزقت عليها استكر شفاف ومكتوب عليه بالأحمر مبروك التخرج للعروسين واسمي واسم خطيبي
وطلعوها العاملات في عربيات التقديم أنا جبتها من عندي
وبعدها شريت سجادات الجيب الماركات من وحدة هنا بالمنتدى اسمها أم زياد 2005 الله يسعدها ما قصرت معاي وحطيت عليها شرايط مكتوب عليها اهداء من أم العروسة واسمي واسم خطيبي
نجي هالحين لي أنا
طبعا تصلحت في صالون ريما مكياج عند خلود وشعر عند ردينة وحواجب عند عبير
بس بصراحة شي فوووووووووق الخيال
مع إني أول مرة أتعامل معاهم بس كانوا قمة بكل شي وربي
مسكتي سويتها عند "مسكة العروسة" وكانت مدورة وكلها ورد جوري أحمر ودخلت بينها سلك اللمبات اللي يشتغل بالبطارية وولعتها بالزفة وكان نورها أحمر وطلعت حركة غريبة وجنان
نجي هالحين للزفات
أول شي زفينا عربية الملكة اللي جابها لي خطيبي
كانت قمة بالروعة أخذها من محل سوفينير في طريق المدينة
وكان لونها ذهبي واسمها البيضة وغلفها بذهبي وأحمر
وزفيناها على أغنية البخور لحسين الجسمي
مع علب الملكة كمان وكانت عبارة عن علب كرستال مع ذهبي عودة وفيها عودة ومعاها سبحة كرستال
وبعدها بدأ عرض السينما وكان مررررررررره رووووعه
طبعا القاعة فيها حوش فيه مسبح وشلالات ومجسمات فوق الخيال
كان تصوير العرض في الحوش هذا
فيه شجرة طويلة طبعا هي ديكور شجرة وإلا هي بلكونة
خطيبي قعد يتمشى تحت وكأنه يدور علي وحطيت له أغنية "مش عايزه غيرك إنته لشيرين" وبعدين جات الكاميرا علي أنا وكنت فوق في البلكونة وحطيت أغنية "أكتر حاجه بحبها فيكي هي دي لتامر حسني"
وبعدين نزلت من الدرج وخطيبي يستقبلني تحت على أغنية "امشي بهداوه لكاظم الساهر"
وبعدين رحنا شربنا العصير
وبعدين مشينا على جسر عالمسبح وفي نص الجسر سحبنا صدفه من المسبح ولبسنا الدبل على أغنية "دبلة لرويدا المحروقي"
وبعدها لبسني الشبكة على أغنية "ياصايغين الذهب" وأنا عطيته الهدية
وبعدين كتبنا لبعض في الدفتر على أغنية "بحبك وأنا كمان" هو كتب لي "أحبك" وأنا كتبت له "وأنا كمان"
وبعدين أكلنا الجاتوه
وطبعا كل هذا انعرض في السينما للمعازيم
وبعدين بدأت الزفة وكان في القاعة بلكونة صغيرة في الزاوية
طلعنا على أغنية "يم الثوب الأحمر لحاتم العراقي" وبعدين ولعنا ألعاب نارية بس غير شكل هذي هدية من أختي يطلع منها ورود وكلين وحاجات تجنن
وبعدين رمينا هدايا فيها دبدوب وشوكولاته من البلكونة
وبعدها نزلنا كل واحد من درج وتقابلنا تحت ومشينا على أغنية "وليد العاطفة لماجد المهندس" وبعدها حطينا أغنية "نجنن العالم لتركي"
على فكرة أنا اسمي "تغريد" يعني اللي تكلم المطربة أو المصورة وتبيهم يتوصون فيها تقول إنها مرسولة من "تغريد"
وبصراحة كانت ليله ما تنسي بشهادة الكل
ادعولي زي ما ربي تمم ملكتي على خير يتمم لي زواجي ويوفقني مع خطيبي
أنتظر تعليقاتكم الحلوة على أحر من الجمر
__________________
يارب سخر لي ميمو وسخرني له وابعد عننا عيون الناس
يارب عجل زواجنا وتممه على خير
أحب بصمت
منقووول
لوحده العرفه من جمعااتن