أشياء لو سويتيها في الزواجات يصير شكلك [ماله داعي]!!

لله وبركاته

اللهم صل على محمد وعلى آله وصحبه أجمعين

مرحبًا بنات

المهم

أتمنى أنكم تركزون معي بقوة بقوة بقوة ولا تستخفون بملاحظاتي لأني شفت كثيريييييييييين يقعون في أخطاء تشوه جمالهم وتعبهم قبل المناسبة كله يروح ع الفاضي!

1- أكل العلك [اللبان] في الزواجات والمناسبات الراقية
يشوه المنظر.. يخرب البرستيج.. يدمر أبو الجمال والأناقة!
خصوصًا خصوصًا إذا صارت بنت في العشرين وأمورة وقاعدة ترقص وهي تاكل علك
وربي ماله داعي..
عمرك شفتي في التلفزيون وحدة تاكل علك غير الرقاصات [مع احترامي للقارئات]!!

2- نزع الحذاء آخر السهرة والمشي حافية
وطبعًا هذه الملحوظة لأهل العروس والعريس
إذا مرة تعبتِ خلي معك صندل واطي البسيه إذا تعبتي
أما بعد كل الحلا والأناقة.. تمشين حافية.. no way

3- الرقص المصري!!
وهذا ينقسم لشقين:
أ: الرقص المصري يحتاج فن.. إذا أنتِ مو متقنة جدًا جدًا.. بليز لا تقومين لأن شكلك بيصير مصخرة
والأفضل أنك ما ترقصين من أساسه خصوصًا لو كنتي نحيفة مرة
لأن الرقص المصري حتى لو كان مرة مرتب بس اللي ترقص نحييييييفة بيطلع شكلها زي الهيكل العظمي اللي بينكسر ومتماسك بشطرطون

ب: قبل تطلعين الكوشة.. روحي طالعي في المرايا..
ولو [أباطك بيضاء] تشجعي وارقصي
لكن لو فيها سمار لو خفيف قرّي مكانك
لأن في مجتمعنا عقدة اسمها آباط سودا يعني أي وحدة ترفع يدها الناس تنسى رقصها وتفكر في لون آباطها

4- الجلوس على الأرض وقت البوفيه
يعني.. إذا انتهت الكراسي ومافي مكان تجلسين عليه.. لا تفكرين تحطين صحنك ع الأرض وتاكلين لأن منظرك بيصير ماله داعي كأنك حجة باسطة فصفص ولوز بس الفرق أنها عليها مكياج!

5- وضع شنطة السهرة في كتفك!
مهما كانت جميلة.. أو لها سلسلة طويلة..
شنطة السهرة لا توضع على الكتف أبدًا..
بل تحمل في كف اليد وليس تحت الابط!!

6- لبس القبعات في الزواجات
وهذا الكلام مخصوص للبنات اللي أعمارهم بين ال14 إلى 19
انسي تلبسين قبعة جلد في الفرح!

7- لو كنتي لابسة فستان ضيق أو فاتح.. البسي معه كلوت اللي بخيط
وحتى لو ناوية تلبسين مشد
ترا يبان..
أهم شي أبو خيط [عمّنا] عشان شكل الأخت الكريمة يصير مرتب ومافي تقاطعات جانبية!
ولو كان يضايقك.. اختاري الأنواع اللي يكون خيطها مرررررة رفيع عشان ما تحسين فيه

8- حمل الجوال!
ليه اخترعت شنطة السهرة أجل..؟
وآه يا ضغطي يرتفع لما تجي وحدة ترقص وجوالها في يدها أو معلق في حافظة خاصة فيه في كتفها!
وخصوصًا أخت العريس
إذا فيها رقصة.. المفروض تخلي جوالها مع أحد.. مو تطلع وهي ماسكته!!

هذا اللي عندي الآن.. وأتمنى اللي عندها أي إضافة تتفضل فيها

وسامحوني ع الإطالة للأمانة منقول

يسلموووووووووووووووووووووووووووووووووووووووووو

يسلمووووووووووو حبيبتي

اي والله شذووي صاادقه بكل اللي قلتيه قسمم مااترفع ضغطي الا اللي تااكل علك

يسلموووووووووووووووو